Fabrika e Municionit dhe Dronëve

Gjendja

• Statusi: Në Proces
• Progresi: 15%
• Baza e vlerësimit: Përgatitja: koncept-dokument, plan veprimi, studim, projektim, grup punues ose përfshirje në programin legjislativ, 10 tetor 2026 (burimi)
• Premtuar: dhjetor 2025
• Afati: Brenda mandatit
• Shkalla: Investim i madh kapital
• Buxheti 2026: nuk raportohet

Të dhënat e kësaj faqeje statike janë të datës 14 tetor 2026.

Origjina e zotimit

“Do të ndërtojmë fabrikën e municionit dhe të dronëve, duke e kthyer sigurinë edhe në motor zhvillimi ekonomik, teknologjik dhe industrial.”

Programi “Zotime: Siguri dhe Begati” i Lëvizjes Vetëvendosje (dhjetor 2025), faqja 3

Historiku i zhvillimeve

1. 10 tetor 2026, Në Proces: Ministria e Mbrojtjes finalizoi draftin e një koncept-dokumenti për themelimin e Korporatës Shtetërore të Industrisë së Mbrojtjes me gjashtë divizione, ku i pari është ai i municioneve, me fabrikë në Jahoc të Gjakovës. Korporata parasheh edhe prodhimin e dronëve, antidronëve, sistemeve elektronike ushtarake dhe automjeteve të blinduara. (Reporteri.net)
2. 13 shtator 2026, Në Proces: Në ekspozenë për Programin Qeveritar në Kuvend më 13 shtator 2026, kryeministri Albin Kurti deklaroi se prodhimi i municionit është paraparë të nisë brenda vitit 2026. (Qeveria e Kosovës)
3. 1 shtator 2026, Në Proces: Ministria e Mbrojtjes e shtyu me dy ditë afatin e aplikimit për pozitat në Kompleksin për Prodhimin e Municioneve në Gjakovë, deri më 2 shtator 2026, duke arsyetuar numrin e madh të kërkesave dhe interesimin e lartë të kandidatëve. (Ministria e Mbrojtjes)
4. 25 gusht 2026, Në Proces: Ministria e Mbrojtjes shpalli konkursin për rekrutimin e personelit inxhinierik, teknik dhe mbështetës për Kompleksin e Prodhimit të Municioneve në Jahoc të Gjakovës, duke përfshirë pozita në prodhim, mirëmbajtje, kontroll cilësie, siguri dhe logjistikë. Aplikimi ishte i hapur nga 24 deri më 30 gusht 2026 dhe kandidatët e përzgjedhur duhet të kryejnë trajnimin profesional para angazhimit. (Ministria e Mbrojtjes)
5. 20 maj 2026, Në Proces: Ministri Maqedonci konfirmoi se fabrika e municioneve 'Made in Kosova' do të nisë prodhimin me standard NATO në fund të dhjetorit 2026, në një kompleks industrial në Jahoc të Gjakovës që pritet të punësojë rreth 100 persona. Ndërtimi ende nuk kishte nisur në maj 2026. (Dukagjini)
6. 17 shkurt 2026, Në Proces: Në fjalën zyrtare për 18-vjetorin e Pavarësisë u konfirmua se ka nisur zhvillimi i industrisë së mbrojtjes me fabrikën e municioneve. (Qeveria e Kosovës)
7. 3 nëntor 2025, Në Proces: Ministria e Mbrojtjes e ka konfirmuar se kompania gjigante turke e prodhimit të municionit “MKE”, pritet që gjatë vitit 2026 ta funksionalizojë fabrikën për prodhimin e plumbave “Made in Kosova” në territorin e Kosovës. Kapaciteti i saj pritet të jetë rreth 20 milionë fishekë në vit, dhe do të prodhojë plumba të kalibrit 5.56 mm e 7.62 mm, një herë për nevoja të brendshme e pastaj edhe për shitje dhe eksport. (Dukagjini)