Ngrohja Qendrore në të Gjitha Rajonet

Gjendja

• Statusi: Në Proces
• Progresi: 30%
• Baza e vlerësimit: Qeveria miraton projektligjin, aktin nënligjor ose vendimin, 24 korrik 2026 (burimi)
• Premtuar: dhjetor 2025
• Afati: Brenda mandatit
• Shkalla: Investim i madh kapital
• Buxheti 2026: nuk raportohet

Të dhënat e kësaj faqeje statike janë të datës 14 tetor 2026.

Origjina e zotimit

“Do të ndërtojmë sisteme të reja të ngrohjes qendrore dhe do të dyfishojmë kapacitetin dhe mbulueshmërinë e ngrohjes qendrore në Prishtinë.”

Programi “Zotime: Siguri dhe Begati” i Lëvizjes Vetëvendosje (dhjetor 2025), faqja 60

Historiku i zhvillimeve

1. 13 shtator 2026, Në Proces: Në ekspozenë për Programin Qeveritar në Kuvend më 13 shtator 2026, kryeministri Albin Kurti deklaroi se ngrohja qendrore do të zgjerohet në Prishtinë dhe do të nisë në Gjilan, Ferizaj, Prizren, Pejë, Mitrovicë, Fushë Kosovë, Podujevë e Lipjan. (Qeveria e Kosovës)
2. 14 gusht 2026, Në Proces: Banka gjermane KfW paralajmëroi ndërprerjen e mbështetjes financiare për Termokosin, duke listuar probleme teknike të pazgjidhura. Impianti i degazifikimit nuk është funksional, 159 nënstacione ngrohjeje operojnë pa kontrollë automatike dhe një pjesë e tyre u përkasin konsumatorëve të paregjistruar, çka sipas KfW-së shkel marrëveshjen e dhjetorit 2022 që kërkon aprovim paraprak për zgjerime. Vonesat në shpronësim dhe leje ndërmjet Prishtinës dhe Obiliqit rrezikojnë vazhdimin e projektit të ngrohjes solare. (Kallxo.com)
3. 24 korrik 2026, Në Proces: Qeveria në detyrë miratoi nismën për lidhjen e Marrëveshjes së Garancisë ndërmjet Republikës së Kosovës, e përfaqësuar nga Ministria e Financave, ndërmarrjes Termokos dhe Bankës Evropiane për Investime, për Projektin e Zgjerimit të Sistemit të Ngrohjes Qendrore në Prishtinë. (Buletini Ekonomik)
4. 15 mars 2026, Në Proces: Termokos njoftoi zgjerimin e rrjetit të ngrohjes në disa lagje të Prishtinës gjatë këtij viti, projekt i financuar nga KfW dhe i planifikuar të shtrihet në disa faza. Ky është progres i kufizuar dhe kryesisht në kryeqytet, por sinjalizon avancim në zgjerimin e ngrohjes qendrore. (Telegrafi)