Digjitalizimi i Shkollave

Gjendja

• Statusi: Në Pritje
• Progresi: 0%
• Baza e vlerësimit: Asnjë hap zyrtar i dokumentuar me burim.
• Premtuar: dhjetor 2025
• Afati: Brenda mandatit
• Shkalla: Program ose reformë
• Buxheti 2026: nuk raportohet

Të dhënat e kësaj faqeje statike janë të datës 14 tetor 2026.

Origjina e zotimit

“Klasat do t'i pajisim me tabela të mençura. Do të shtrijmë internet me shpejtësi të lartë në 1000 institucione të arsimit parauniversitar, duke siguruar qasje falas në internet.”

Programi “Zotime: Siguri dhe Begati” i Lëvizjes Vetëvendosje (dhjetor 2025), faqja 43

Historiku i zhvillimeve

1. 15 shtator 2026, Në Pritje: MASH, në partneritet me Fondacionin Evropian për Trajnime (ETF) dhe Komisionin Evropian, nisi studimin mbi kompetencën digjitale të mësimdhënësve përmes instrumentit SELFIE for TEACHERS. Rezultatet do të shërbejnë për planifikimin e zhvillimit të kompetencave digjitale, ndërsa pajisja e shkollave me teknologji ende nuk ka nisur. (MASH)
2. 13 shtator 2026, Në Pritje: Në ekspozenë për Programin Qeveritar në Kuvend më 13 shtator 2026, kryeministri Albin Kurti deklaroi se interneti i shpejtë dhe falas do të shtrihet në 1 mijë institucione parauniversitare. (Qeveria e Kosovës)
3. 26 gusht 2026, Në Proces: MASH, Ministria e Digjitalizimit dhe Administratës Publike dhe UNICEF-i lansuan studimin "Nga qasja digjitale te kompetenca digjitale", i cilësuar si udhërrëfyes për reformën e arsimit digjital në Kosovë. Analiza shqyrton shkathtësitë digjitale të nxënësve dhe mësimdhënësve, integrimin në kurrikulë, politikat ekzistuese, infrastrukturën dhe gatishmërinë institucionale. Zëvendësministri Përparim Kryeziu deklaroi se digjitalizimi do të jetë temë kryesore horizontale në strategjinë e re 10-vjeçare të arsimit. (MASH)