Arkat Fiskale Digjitale

Gjendja

• Statusi: Në Proces
• Progresi: 65%
• Baza e vlerësimit: Ligji ose akti nënligjor hyn në fuqi, 4 qershor 2026 (burimi)
• Premtuar: dhjetor 2025
• Afati: Menjëherë
• Shkalla: Program ose reformë
• Buxheti 2026: nuk raportohet

Të dhënat e kësaj faqeje statike janë të datës 14 tetor 2026.

Origjina e zotimit

“Nisim menjëherë me arkat fiskale digjitale duke hequr barrën e panevojshme për bizneset.”

Programi “Zotime: Siguri dhe Begati” i Lëvizjes Vetëvendosje (dhjetor 2025), faqja 12

Historiku i zhvillimeve

1. 2 shtator 2026, Në Proces: Gjatë vizitës në Administratën Tatimore të Kosovës më 2 shtator 2026, kryeministri në detyrë Albin Kurti tha se në procesin e fiskalizimit janë certifikuar nëntë kompani softuerike, çka sipas tij krijon më shumë konkurrencë dhe shërbime më të mira e më të përballueshme për bizneset. Ky është hapi i parë i konfirmuar publikisht pas hapjes së aplikimit për certifikim të ofruesve në qershor 2026. (Zyra e Kryeministrit)
2. 4 qershor 2026, Në Proces: U hap aplikimi për certifikimin e operatorëve ekonomikë që duan të ofrojnë arka fiskale digjitale (Sistemi Elektronik i Fiskalizimit, SEF), përmes platformës së Administratës Tatimore. Kjo shënon kalimin nga faza ligjore (Udhëzimi Administrativ i nënshkruar nga ministri Murati më 24 prill 2026) drejt zbatimit praktik. (Buletini Ekonomik)
3. 12 shkurt 2026, Në Proces: Qeveria miratoi projektligjin për ratifikimin e marrëveshjes së financimit me fokus në efektivitetin fiskal, konkurrueshmëri dhe rritje të gjelbër (program me Bankën Botërore). (Qeveria e Kosovës)
4. 14 korrik 2025, Në Proces: Publikohet Udhëzuesi Nr. 01/2025 për procedurat dhe formën e fiskalizimit të bllokave tatimorë. (Administrata Tatimore e Kosovës)